ZIUR-ko Enpresen Zibersegurtasun laguntzen programa 2021

Aurten, ZIURk Enpresen Zibersegurtasun-Laguntzen Programa abiarazi du; Telenor Comunicaciones-etik laguntza horiei buruzko informazioa helarazi nahi dizuegu, zuen enpresan ez dezazuen aukera hori pasatzen utzi zuen zibersegurtasun-proiektuak gauzatzean.

PROGRAMAREN HELBURUA

Programaren helburua da Gipuzkoako enpresetan zibersegurtasuna ezartzen laguntzeko programako diru-laguntzak arautzea.

2021ko Deialdia

ONURADUNAK

Gipuzkoan kokatutako ETEk, erauzketako, eraldaketako, produkzioko, aurrekoen ekoizpen-prozesuari lotutako zerbitzu teknikoetako eta informazioaren

eta komunikazioen gizartearen esparruko industria-jarduerak garatzen dituztenak.

Baldintza hori ekonomia-jardueren gaineko zergan alta emanda dagoen epigrafetik abiatuta egiaztatuko da (JEZ). Epigrafe onargarrien zerrenda programaren informazioaren artean dago eskuragarri, Gipuzkoako Foru Aldundiaren diru laguntzen orrian.

Joan Gipuzkoako Foru Aldundiaren diru laguntzen orrira

ZENBATEKOAK

Enpresa bakoitzeko gehieneko diru-laguntza 15.000 eurokoa izango da, 231.250 euro guztira.
Enpresaren tamainaren arabera, proiektuak ehuneko hauetan lagunduko dira diruz:

50 langile baino gutxiagoko enpresak: % 60
50-249 langile arteko enpresak: % 50

% 15eko diru-laguntza gehigarria emango zaie aldez aurretik ZIURen autodiagnostiko-azterketa egin duten proiektuei.

ZIURen autodiagnostiko-azterketa

EPEAK

Eskabideen aurkezpena: 2021eko apirilaren 27tik urriaren 15era.

Proiektuak ezin izango dira 2021eko urtarrilaren 1an baino lehen hasi.

Proiektuen azken epea eta justifikazioa: 2022ko irailaren 9ra arte.

Erakunde bakoitzak gehienez 2 proiektu aurkeztu ahal izango ditu.

ONARTUTAKO JARDUERAK

Diruz lagundu ahal izango dira lan hauek egiteko aholkularitza espezializatua kontratatzearen ondoriozko gastuak:

Hardwarearen/softwarearen egoeraren diagnostikoa zibersegurtasunari dagokionez, enpresaren antolamendu-egoera zibersegurtasunari dagokionez.
Zibersegurtasun-plan bat idaztea, gomendio zehatzak eta aurreikusitako kostuak jasoko dituena.
Enpresako langileekin egiten diren zibersegurtasunaren arloko sentsibilizazioarekin eta/edo prestakuntzarekin lotutako kostuak.

Ezingo dira diruz lagundu hardwarearen eta softwarearen kostuak, ez eta horien instalazioarekin lotutako zereginak ere.

Oinarri Arutzileak

Zerbitzuak. ZIUR-ren Enpresen Zibersegurtasuna 2021

TELENOR-rek LAGUNTZEN DIZU

Jarri harremanetan gurekin

TELENOR COMUNICACIONES, S.L.
Cº Portuetxe 53B - 1º - Ofic. 113
20018 DONOSTIA (GIPUZKOA)
Tel.: 943 310 367